આમ તો તું લખ્યા કરે છે. ડ્રાફ્ટ્સ સેવ કર્યા કરે છે. તો પણ મને થયું કહી દઉં. યાદ દેવડાવી દઉં કે આ જે જગ્યા છે ને એ પોસ્ટ કરવા માટે જ છે.
કોઈ જજ કરવાનું છે નહીં આમ તો, પણ કરે તોય શું? લખીને પોસ્ટ કર. પહેલાં ભૂલો વગર નથી લખ્યું એવું તો છે નહીં!
બ્લૉગમાં આખી એક કૅટેગરી છે લવારાઓથી ભરેલી! ટાઇટલ જ એવું આપ્યું છે. યુ યુઝ્ડ ટુ લવ રાઇટિંગ રૅન્ડમ થિંગ્ઝ!
લખીશ તો ભૂલો કરીશ. ભૂલો કરીશ તો શીખીશ. શીખીશ તો વધારે સારું લખી શકીશ. અને સારું લખવા માટે જ બ્લોગ સ્ટાર્ટ કર્યો એવું તો હતું નહીં!
બસ તો. લખ.
આવી જાઓ પાછા રૅગ્યુલર પોસ્ટ્સ સાથે!
(નહીં આવે તો પણ કાંઈ જવાનું નથી. પણ સમજ ને હવે!)
